Нефертити не е како другите жени, таа е посебна. Иако нема кралска крв, престолот ѝ е загарантиран…

Таа уште како мала покажува интерес за пишување и наука, но бидејќи во нејзино време е забрането жените да пишуваат и да го надградуваат своето знаење, таа започнува тајно да учи.

Веста за нејзината впечатлива убавина, мудрост и интелигенција го привлекува вниманието на манипулативната и најмоќна кралица Тије, која е господарка на заговорите и интригите и најсакана жена на фараонот. Таа наредува Нефертити да живее во кралството на фараонот, бидејќи има планови за неа.

Таа не е само сопруга на владетелот, туку сила што ги поместува границите на моќ.

Секоја одлука на Нефертити ја приближува до сè поголема моќ, но и до нови непријателства. Таа ја користи својата остроумност и шарм и влијае врз одлуки коишто го менуваат Египет. Но, колку повеќе расте нејзината моќ, толку повеќе се зголемуваат и непријателите околу неа…

Оние што те сакаат најмногу и оние на кои најмногу им веруваш, може да ти го уништат животот.

Иран, земја каде што законот наложува деветгодишни девојчиња да можат да стапат во брак, каде што по улици шета полиција за морал и казнува жени за несоодветно носење на хиџаб со тепање и затвор… Две жени лавици се борат за женските права.

1953 година во Техеран, две лица за првпат се сретнуваат во една мала продавница – литературна оаза, во земја која е на раб на немири.

Роја е девојка идеалист која копнее по знаење. Таа открива продавница каде покрај другото се продаваат и книги од големите умови, набрзо таа продавница ѝ станува светилиште за нејзиниот ум.

Клеопатра, македонската кралица која не само што го промени Египет, туку го промени и светот.

Клеопатра се капе во млеко и пие вино од златни пехари… За неа кралскиот живот е само едно театарско шоу: кој најдобро глуми, нему му веруваат. Но, таа и без да глуми ги освојува сите – луѓето ја обожаваат како бог.

Зошто еден крал повеќе ја сака неговата љубовница, отколку својата кралица?

Вратите се отвораат, стражарите се повлекуваат, дворјаните паѓаат како покосено класје. Жените, иако ја мразат, ги спуштаат главите и тивко се поклонуваат пред нејзините нозе. Мажите ја посакуваат, но само еден може да ја има – оној кој ѝ даде моќ – кралот Хенри Тудор.

Срцепарателна сага за една голема љубов која го пара срцето и повторно го шие.

Во 1942 година, за време на Втората светска војна, во Полска, Томаш ја запросува Алина. Оттогаш таа го мери времето до секое следно видување. Но, откако нацистите го окупираат местото, тие наоѓаат нови длабочини на суровост. Нејзе ѝ преостанува само да го мери просторот помеѓу очајот и надежта за животот на нејзиниот сакан – Томаш.

Срцепарателна приказна за Елзбиета и опасниот обид на Роман да ја поврати љубовта и животот што некогаш го имале.

Зошто немажена жена се смета полоша и од болест?

На дваесет и седумгодишна возраст Пеи бега од фабриката за свила, каде што работи од својата осумгодишна возраст. Таа со себе ја зема и Џи Шен – сираче кое остана без родители.

Убава, интелигентна, богата, а сепак несреќна.

Амира е Арапка која живее во Чиле. Таа може да има сè, освен оној кој го сака, бидејќи ѝ е забранет. Нејзиниот татко принудно ја мажи за маж кој е постар од неа триесет години, некој кој е уште побогат од Амира.