Таа оди во магична земја со надеж за нов почеток, но не ни сонува дека токму таму ќе ја најде љубовта.

Ели привремено отпатува во магичната Прованса, каде мирисот на лаванда е опоен и тишината дава спокојство, во куќа којашто ја наследи. Набрзо куќата ѝ станува нејзино прибежиште и нејзин предизвик. Но, кога таа го запознава таинствениот доктор Жилиен, во неа повторно се будат чувства што таа мисли дека засекогаш ги изгубила. И кога двајцата не можат да ги контролираат емоциите, таа мора да одлучи – дали ова е само привремено бегство… или љубов за која вреди да остане? Затоа што некои места не се само дом, туку судбина.

Таа не сака да е ничиј украс, туку оган што не се гаси – жена што никогаш не се заборава.

Переле е млада Еврејка која живее во строго традиционално семејство, каде верата се сака повеќе од сè, дури и од сопствените деца. Кога таа полни осумнаесет години, нејзините родители ѝ наоѓаат маж што таа не го сака – човек кој ѝ го прави животот неподнослив.

Ноќниот Демнач повеќе не е жртва, туку одмаздник…

Како сенка се движи длабоко во ноќта и ги демне луѓето. Сенката ја нарекоа ‘Ноќниот Демнач’ – сите ја зборуваат, а никој не ја видел. Некои се сомневаат дека е жена, а други дека е дете.

Зад маската на Ноќниот Демнач се крие лик што животот го скршил. Тој лик не се рoдил лош – животот го натерал да стане она од што најмногу се плаши… Секоја негова одлука е внимателно испланирана, секој негов чекор е порака: вистината секогаш го наоѓа патот, дури и во темнината.

Таа прави голема свадба – без младоженец – така ѝ наложува традицијата.

Чи Лин, иако потекнува од семејство на интелектуалци, сепак се мажи за човек кој умира пред свадбата и, според традицијата, свадба мора да има – таа станува сопруга на мртов човек и прави ритуали кои не ги познава. По венчавката е принудена да живее во ултра богатото семејство на ‘својот сопруг’ со неговите три жени кои веќе му родиле деца.

Нефертити не е како другите жени, таа е посебна. Иако нема кралска крв, престолот ѝ е загарантиран…

Таа уште како мала покажува интерес за пишување и наука, но бидејќи во нејзино време е забрането жените да пишуваат и да го надградуваат своето знаење, таа започнува тајно да учи.

Веста за нејзината впечатлива убавина, мудрост и интелигенција го привлекува вниманието на манипулативната и најмоќна кралица Тије, која е господарка на заговорите и интригите и најсакана жена на фараонот. Таа наредува Нефертити да живее во кралството на фараонот, бидејќи има планови за неа.

Оние што те сакаат најмногу и оние на кои најмногу им веруваш, може да ти го уништат животот.

Иран, земја каде што законот наложува деветгодишни девојчиња да можат да стапат во брак, каде што по улици шета полиција за морал и казнува жени за несоодветно носење на хиџаб со тепање и затвор… Две жени лавици се борат за женските права.

„Сè додека растат лимоновите дрвја, надежта никогаш нема да умре.”

Сирија. Салама која работи во болница како хирург и спасува многу животи секој ден, се бори со совеста што ја измачува. Принудена да порасне прерано поради околности кои се надвор од нејзина контрола, таа се соочува со дилема дали да ја напушти својата сакана татковината или да остане дома.

Може ли некој што нема чувства да биде човек?

Сериски убиец кој не убива од омраза, туку од потреба да се почувствува жив. Убиствата не се негова цел, туку пат до нешто што другите го имаат, а тој го нема – емоции.

Никогаш повеќе нема да дозволам моето срце да стане играчка на некој друг. Никогаш повеќе нема да дозволам маж да застане помеѓу мене и моите цели. Никогаш повеќе нема да сакам без да добијам љубов за возврат. Ќе ја барам вистинската љубов, па ако треба и целиот мој живот за да ја пронајдам.

Клеопатра, македонската кралица која не само што го промени Египет, туку го промени и светот.

Клеопатра се капе во млеко и пие вино од златни пехари… За неа кралскиот живот е само едно театарско шоу: кој најдобро глуми, нему му веруваат. Но, таа и без да глуми ги освојува сите – луѓето ја обожаваат како бог.