Само таа има моќ над најмоќниот император.
Во харемот на најмоќниот император Џахангир има над триста жени меѓу кои конкубини и дури деветнаесет негови сопруги. Жените во харемот веруваат дека ако имаат среќа да ги посети нивниот господар барем два пати годишно и ако една од тие посети резултира со дете, по можност машко, тие ќе добијат моќ… Сопругите и конкубините се натпреваруваат за таа привилегија, но сепак многу од нив го поминуваат својот живот без никогаш да го видат императорот во својот кревет.
За императорот се зборува дека е правичен и немилосрден, но само една успева да го освои неговото срце – таа која се издвојува од сите со својата убавина и лукавство – Мехруниса.
И покрај тоа што Мехруниса ги разбранува страстите на императорот, таа го разбранува и неговиот ум, ги презира правилата и ги погазува. Набрзо таа добива контрола над Џахангир каква што ниту една друга дама не може да ја надмине и му станува негова дваесетта и последна сопруга. Со тоа таа ја презема власта во свои раце и контролира сè зад превезот.
Епска приказна за животот во палатата и моќта зад превезот.
Книгата е во издание на издавачка куќа КНИГОХОЛИЧАРИ.
