Сонце, коктели и љубов што не знае да остане во минатото.
Џина Бенет живее совршен живот само однадвор. Однатре таа чувствува празнина што повеќе не може да ја игнорира. По уште едно разочарување од сопругот, таа прави храбар чекор – заминува. Без план. Без правила. Само со желба повторно да се почувствува жива.
На грчки остров ноќите брзо ѝ преминуваат во нови утра. Нови пријателки, гласна смеа и коктели што го бришат чувството на вина.
И потоа се појавува тој. Нико – нејзината прва љубов – спомен што никогаш не избледува.
Еден поглед е доволен да ѝ разбуди сè што мисли дека одамна е закопано. Помеѓу старата и новата љубов, разумот и страста, Џина почнува да се губи себеси или конечно се пронаоѓа… Сега изборот не се сведува само на љубов, туку на нешто подлабоко: дали да се предаде на она што ја прави среќна или да се врати на стариот живот?
Приказна за втора шанса и храброст да се избереш себеси пред другите.
Книгата е во издание на издавачка куќа КНИГОХОЛИЧАРИ.
