Париз, 1942 година
Сара е десетгодишна Еврејка која е брутално уапсена од француската полиција, заедно со нејзината мајка и татко.
Очајна да го заштити својот четиригодишен брат таа го заклучува во шкаф, со надеж да се врати по него во текот на денот.
Париз, 2002 година
Џулија е американска новинарка која по повод 60 годишнина од постоењето на „Вел ‘Д’ Хив“, добива задача да напише статија за конвојот кој одведе илјадници еврејски мажи, жени и деца во логори, директно до последната станица – смртта.
Беа потребни многу солзи да се измие црнината од минатото на Франција и гравирани факели да ја осветлат темната патека на иднината.
Емотивно интензивен роман, кој ја открива вината што ја носат долго закопаните тајни и штетата што може да ја предизвика вистината кога конечно ќе се разоткрие.
Екранизирана сторија за животот на две семејства поврзани со една тајна.
Книгата е во издание на издавачка куќа КНИГОХОЛИЧАРИ.
